اليوم ميلادك حبيبي 1-9

**Admin** الإثنين أغسطس 31, 2009 3:56 pm

اليوم ميلادك حبيبي
شرد أكولك وأنت اليوم ناسيني
بعيونك فرح وجمر الشوق يكويني
بسيوف الغدر كل يوم تاذيني
كدامك أخذ من عمري وسنيني
أكولك.... ألف مبروك ميلادك
من قلبٍ تمنى يموت بأحضانك
من عمرٍ تردى بغربة فراكك
من جرح تشظى بكثرة سهامك
من ليلٍ تندى بدمع أحزانك
ألف مبروك ميلادك
وظل عايش أنت بهاي أحلامك
مغرور و دلالك زاد من خضرة أحداقك
طير رحلت لبعيد من طلعت جناحك
و عمان الجميلة... تكبر أوهامك
بالغربة تسرح ....تدفن شوقي وأسرارك
كل ليلة أتصل .... مشغول جوالك
بعتمة تشوف الروح ولغيري أنوارك
برخص التراب تبيع وتضيع أحبابك
ياظالم........... للموت ما أنساك
وأبد أبقى أهني بيوم ميلادك
. تعيش أنت بسعادة ولو قد مات
أحساسك
حبيبي.........من روحي لأجل عيدك
لأخلي شموع تضويلك
وعيوني تصب دموع وبحركة أغنيلك
تعال ارقص على جروحي وانا اشكيلك
....ألف مبروك ميلادك
يانونة...اليوم بأحضاني تمنيتك
أضمك حيل لضلوعي وأشم هيلك
أبوس عيونك الحلوات... واطفي النار بشفافك وأهد حيلك
وين ألكاك ياعمري شأسويلك
بعد أكثر تريدن كول يا حبيب شأضحيلك

بقلمي رافع العراقي