شرد أعاتب و أنت بثياب العرس

**Admin** الثلاثاء يناير 24, 2012 12:47 pm

شرد أعاتب و أنت بثياب العرس
بكفوفك الترفة باقة سهام الغدر
بلحظة تنحر أجمل أحلام العمر
شفافي فاضت بوابل أمطار الدمع
صوب حبيبي صدري الك نيشان وهدف
من سنين ميت بسهم العيون الخضر
راجع اوراقك واذكر ايام الدرس
و اكرم الميت من تطفى انوار الدرب
اقرا اشعاري تعرف وصية الدفن
من ثوب العرس... أمانة فصلي الكفن
شرد أعاتب وبعد شيفيد العتب
المن أبكي و أعض أصابيع الندم
أرد أصيحن أهدم أوزان الشعر
وبيدي أشعل كومة أوراق الغزل
يانونة أكدر أقلب افراحج حزن
وبخضر عينج اسرح من يبكي الشجن
للعالم انشركل الرسايل والصور
خل تسمع الدنيا صوتج باحاديث السحر
يا رواي هيهات من عشقي أتعلم عبر
ماعاش من خلاك يوما تعاني الالم
مليون اموتن ومااحس بعيونك كدر
واظل هيمان شما مر بينا دهر
مبروك والف مبروك يانونة يااجمل قدر
بقلمي رافع العراقي